როგორ გადავიღოთ ელვა!

გინახავთ ალბათ მრავალი სურათი ინტერნეტში, რომელზეც შთამბეჭდავად არის გამოსახული ელვა, შეიძლება რამოდენიმეც ერთად. ახლა კი მე გასწავლით როგორ გადავუღოთ ელვას სურათები.

Focal length: 18mm; Aperture: f/13; Shutter speed: 27sec; ISO: 100;

შეიძლება იფიქროთ, მაგას რაუნდაო, მაგრამ საქმე უფრო რთულადაა. ელვას სურათს ასე მარტივად ვერ გადაუღებთ, ელვა როგორც ვიცით წამიერი ნათებაა, ამიტომ შეუძლებელია რეაქცია დროულად მოვახდინოთ და სურათი გადავიღოთ. ასევე თუ ცალკ-ცალკე დავიწყებთ სურათების გადაღებას, მრავალ კარგ ელვასაც გამოვტოვებთ.

ჩვენი კამერების უსაფრთხო გამოყენება

გვაქვს კარგი ფოტოაპარატები და ალბათ ვუფრთხილდებით კიდეც მათ, მაგრამ არის ბევრი რამ ფოტოაპარატის უსაფრთხოების შესახებ, რაც არასოდეს წარმოგვედგინა.

ამ პოსტში ჩამოვთვლი ზოგადი უსაფრთხოების რჩევებს:

• საკიდები - აუცილებლად იხმარეთ საკიდები, ფოტოაპარატები საკმაოდ მგრძნობიარე მოწყობილობაა და საკიდები დამატებით დაზღვევას წარმოადგენენ დავარდნისგან.
• ლინზის ხუფი - ყოველთვის დააფარეთ ლინზას ხუფი როდესაც კამერას არ იყენებთ. შეიძლება გადაგავიწყდეთ ლინზის შესახებ და რაიმეს მოხვდეს, რაც ლინზის დაზიანებას გამოიწვევს.
• შეინახეთ ფოტოაპარატი მტვრისგან დაცულ ადგილას, მტვერს ადვილად შეუძლია შეაღწიოს კამერაში და მოხვდეს სენსორზე.
• ლინზის გამოცვლისას კამერა დაბლა მიმართულებით დაიჭირეთ, ამით მტვრის ჩასვლა კამერაში შემცირდება.

Nikon D3200 დეტალური განხილვა - მენიუები

რადგანაც მაქვს მხოლოდ ერთი ფოტოაპარატი, გავაგრძელებ ამის დეტალურ განხილვას, მაგრამ ეს იმას არ ნიშნავს რომ ვისაც ეს ფოტოაპარატი არ აქვს არ გამოადგება. ნიკონის ფოტოაპარატებს თითქმის იდენტური მენიუები აქვთ პატარ პატარა განსხვავებებით, ქენონში კიდევ შეიძლება სახელები იყოს განსხვავებული, რათქმაუნდა ინტერფეისით.

მენიუში შესასვლელად ფოტოაპარატის ეკრანის მარჯვენა მხარეს ვაწვებით ღილაკ MENU-ს. გაითვალისწინეთ რომ ყველა ფუნქცია არ არის ხელმისაწვდომი ყველა რეჟიმში, ამიტომ მე ვაკეთებ ამ განხილვას მექანიკური რეჟიმის მიხედვით.

აქ უბრალოდ განვიხილავ რა პარამეტრებს ვიყენებ მე და გეტყვით ჩემს აზრს.

Playback Menu

ამ მენიუს მე ძირითადად არ ვიყენებ, ამიტომ აგიხსნით მოკლედ რა ხდება აქ.

Delete: გეძლევათ სამი არჩევანი 1. წაშალოთ მონიშნული სურათები (აქ სურათის დასაშორებელი ღილაკით ინიშნება სურათები). 2. წაშალოთ სურათები დროის მიხედვით. 3. ყველა სურათის წაშლა.

Playback folder - შეგიძლიათ აირჩიოთ რომელი ფოლდერის ფაილები აჩვენოს გალერეაში.

შევეხოთ უშუალოდ კამერას - D3200, ღილაკები

ახლა კი ავიღოთ კამერა ხელში და დავიწყოთ მისი ფუნქციების განხილვა. მე მაქვს Nikon D3200 და ამიტომაც ამ ფოტოაპარატს გავარჩევ.

მექანიკური რეჟიმები ფოტოაპარატებში

ამ პოსტში აგიღწერთ თუ რა მექანიკური რეჟიმები აქვთ ნიკონს და ქენონს, დავიწყოთ ნიკონით.

ნიკონი

მექანიკური რეჟიმები ნიკონის კამერებზე აღნიშნულია P, S, A და M ასოებით.

P (Programmed auto) რეჟიმი არის ფაქტიურად ავტო რეჟიმი, მხოლოდ იმ განსხვავებით რომ შეგიძლია აკონტროლო ISO. ამ რეჟიმში თუ ბორბალს მარჯვნივ დაატრიალებ მაშინ დიაფრაგმა იღება უფრო მეტად და ჩამკეტის სიჩქარე მცირდება, მარცხნივ დატრიალებისას კი შესაბამისად პირიქით.

S (Shutter Priority) ეს რეჟიმი თვითონ აყენებს დიაფრაგმას და ISO-ს, მაგრამ შეგიძლია აკონტროლო ჩამკეტის სისწრაფე.

ძირითადი ტერმინები ფოტოგრაფიაში ნაწილი II

წინა პოსტში ვისაუბრეთ რა არის სენსორი, ჩამკეტი, დიაფრაგმა და ISO. ახლა კი კიდევ რამოდენიმე ასეთ ტერმინს აგიხსნით, მაგრამ ბევრს აღარ დავამატებ, ვიცი რომ ძნელია ამდენის სწავლა ერთდროულად.

Depth Of Field (ან შემოკლებულად DOF, ქართულად - ფოკუსის სიღრმე)

DOF ეს არის სივრცე ფოტოაპარატის სენსორიდან დაშორებით რა ადგილასაც არის გამოსახულება ყველაზე მკვეთრი.

ფოკუსის სიღრმის სიდიდე დამოკიდებულია დიაფრაგმაზე, რაც უფრო დახურულია დიაფრაგმა მით მეტია სივრცე სადაც საგანი მკვეთრია - ეს იმას ნიშნავს რომ ფოკუსში უფრო მეტი დეტალი იქნება. ხოლო რაც უფრო გავხსნით დიაფრაგმას მით უფრო პატარა ხდება ეს DOF და ნაკლები დეტალია ფოკუსში, რაც თავისთავად ნიშნავს, რომ ჩვენი გადასაღები ობიექტის უკან სივრცე უფრო ბუნდოვანი იქნება. ფოკუსის სიღრმე ასევე დამოკიდებულია ფოკალურ სიგრძეზე.

ძირითადი ტერმინები ფოტოგრაფიაში

ამ პოსტში ჩამოვთვლი და განვმარტავ ფოტოაპარატის ძირითად ტერმინებს რომელიც ჩემს წინა პოსტში გამოვიყენე (მაგ.: ჩამკეტი).

სენსორი

Nikon D40/D50/D70/D70s

დავიწყოთ სენსორიდან (ზოგი მატრიცასაც ეძახის ქართულად, ინგლისურად Image Sensor ან უბრალოდ Sensor).
ეს არის მოწყობილობა რომელშიც აღწევს სინათლის სხივები, შეღწეული სინათლის სხივები კი ჩაიწერება როგორც წესი თანამედროვე ციფრულ აპარატურაში მეხსიერების ბარათში.
დაიმახსოვრეთ, სენსორის მეგაპიქსელს არ მიანიჭოთ მეტი პრიორიტეტი ვიდრე სენსორის ზომას.

ჩამკეტი (ინგლისურად Shutter)

ეს არის მოწყობილობა რომელიც არის სენსორის შემდეგ და განსაზღვრავს დროს თუ რამდენი ხნის განმავლობაში შეაღწევს სინათლე სენსორში.
მაგალითად, ავირჩიეთ ჩამკეტის დროდ 1/10 წამი, ეს იმას ნიშნავს, რომ ჩამკეტი გაიღება 1/10 წამის განმავლობაში, სენსორი ჩაიწერს ინფორმაციას, ამ დროის გასვლის შემდეგ კი ჩამკეტი ჩაიკეტება - აღარ შეუშვებს სინათლეს სენსორთან და შეწყდება ინფორმაციის ჩაწერაც.

მარცხნივ გაღებულია ჩამკეტი, მარჯვნივ კი ჩაკეტილი

ფოტოაპარატის ავტომატური რეჟიმის უარყოფითი მხარეები

ეს არის ჩემი ფოტოგრაფიის შემსწავლელი ბლოგის პირველი პოსტი, რომლის საშუალებითაც გაიგებთ თუ რა უარყოფითი მხარეები აქვს ფოტოაპარატის ავტომატურ რეჟიმს.

                             

იყიდე ახალი ფოტოაპარატი, იღებ სურათებს, სურათების გადაღების შემდეგ კი გადაგაქვს კომპიუტერში , მაგრამ იმედები გიცრუვდება -  სურათები ისეთი არ გამოვიდა როგორსაც მოელოდი და ცდილობ გაარკვიო რაშია საქმე. ბევრს აღარ გაწვალებთ და გეტყვით, რომ მიზეზი არის ავტო რეჟიმი, რომელსაც როგორც წესი ყველა დამწყები იყენებს. ავტო რეჟიმი - ეს ნიშნავს, რომ ფოტოაპარატი ყველა პარამეტრს თვითონ ასწორებს, შენ მხოლოდ კომპოზიციის შერჩევა და გადასაღებათ თითის ღიაკზე დაჭერა გევალება. ძირითადად სურათები კარგი გამოდის, მაგრამ არა ყოველთვის. კამერა ყოველთვის ცდილობს სურათში სინათლე უნაკლოდ დააბალანსოს, მაგრამ ეს ყოველთვის არ გვჭირდება ან შეიძლება შეცდომით გააკეთოს, კამერამ ხომ არ იცის ჩვენ რას ვფიქრობთ?